సంక్రాంతి
సంక్రాంతి
పట్నం పయనమౌతోంది
పల్లెబాట పట్టబోతోంది
కూలీనాలి కోసం పొట్టకూటి కోసం
కానగళ్ళ బ్రతుకు లాట కోసం
వెంపర్లాడి వలస పోయిన
మా జనం మహా ప్రభంజనం
పల్లెబాట పట్టి పండుగ చేసుకోబోతోంది.
సంక్రాంతి శోభ ఆరంభమైంది
అల్లుళ్ళంతా అత్తారింటికి
మంచు కురిసే వేళ మడిగట్లపై నడక
బిత్తరి చూపల కోడెగిత్తల లాగుడు పందాలు
ఊరవతల కోడిపందాల కోలాహలాలు
కోసల కోసం దేవులాటలు
ఇంట్లో బామ్మరదులతో పేకాటలు
పొద్దుగుంకే వేళ ఏవేవో తీర్థాలు
అరిసెలు జంతికలు నానారకాలు
అడుగడుగునా ఆరగింపులు
అదో ఆనందాల హరివిల్లు
అందుకోవాలనీ ఆనందించాలనీ
అందుకే పట్నం పయనమౌతోంది.
0 Comments:
Post a Comment
Subscribe to Post Comments [Atom]
<< Home