స్ఫూర్తి
ప్రతి ఉదయం ఓ ఆశావహ దృక్పధం
ప్రతి నిమిషం లక్ష్యసాధనకై సాలోచనం
ఓడిన ప్రతిసారి సవివర ఆత్మావలోకనం
అవహేళనలు అపహాస్యాలు అవమానాలతో
నిప్పుల కొలిమిలో కాల్చి బాదిన సమ్మెట దెబ్బలతో
చురుకుదనం కరకుదనం నాలో పెరిగిన వైనం
నాలో నిశ్చలమై నిలచిన ఆత్మవిశ్వాసం
స్పర్ధయా వర్ధతే ప్రజ్ఞా అని నమ్మిన సిద్ధాంతం
అమీ తుమీ తేలాల్సిన అంతిమ పోరాటంలో
ఎంతకీ గెలుపెవరిదో ఇదమథ్థమని తేలకపోతే
శారీరక గాయంతో ప్రత్యర్థి తప్పుకోవలసి వస్తే
ఆ విజయం ఇరువురకూ చెరిసగం చేయమంటే
అంతకు మించిన క్రీడాస్ఫూర్తి ఇంకేముంటుంది?
ఆ నిస్స్వార్థ మహోన్నత మనస్తత్వం ఎందరికో స్ఫూర్తి.
(ముంతాజ్ ఎస్సా బార్షిమ్ కు అంకితం )
0 Comments:
Post a Comment
Subscribe to Post Comments [Atom]
<< Home