హేమంత సుందరి
హేమంత సుందరి.
ఏమంత సోయగం నీది
హేమంత సుందరీ! అల్లది?
నీ శీత సమీరాలేవి?
సిత స్మిత నీహారిక లేవి?
ఉహుహూ అని వణికే జనులేరి?
అంతా గతవైభవ ప్రశంసలేనా?
కవి పుంగవ అతిశయోక్తులేనా?
చేమంతుల పూబంతుల పలుకరింతలు
శ్రీ మంతుల గృహయింతుల పులకరింతలు
పల్లెపధంలో అడుగడుగునా చలిమంటలు
ఎటు పోయాయి అవియన్నీ?
గాలిమరల నాడిస్తూ నిద్రించాలా?
నెలగంట పెట్టాకైనా చలిగాలులు వీచేనా?
వరుస తుఫానులు ఎత్తుకు పోయాయా?
చల్లగాలి పిల్లగాలి విహారాలు పోయాయా?
ఏమో! ఏమైందో? ఎవరికెరుక?
హేమంత సుందరీ! ఏమంత నీకుందని?
తెంపరితనం తుంటరితనం నీకెందుకని?
0 Comments:
Post a Comment
Subscribe to Post Comments [Atom]
<< Home