తెలుగు పలుకు

 సీ.

లేలేత జవనమ్ము లింపారు సొబగుల

          తిరుగాడు తన్వంగి తెలుగు పలుకు

నునులేత జివురాకు నుడికార సొగసరి

         తేట తేనియలొల్కు తెలుగు పలుకు

వృత్తగర్భజ సుసంవృత యక్షర రుచిర

         త్రివిక్రమప్రియ తెలుగు పలుకు

దక్షిణ గంగాస్నాత పునీత సుచరిత

        త్రైలింగ దేశిక తెలుగు పలుకు

తే.గీ.

విశ్వమంతట వ్యాపించి వెలుగు తెలుగు

తీయతీయని సంగీత తేరు తెలుగు

విశ్రమించని విజ్ఞానవేది తెలుగు

తెలుగు వాడిగ గర్వింతు తెలుగుఁ బలుక.