తాపత్రయం

ఆకాశపు ఎత్తుల్లో నను నిలబెడితే
భూదేవికి శిరసొంచి నమస్కరిస్తా
ఆగాధాల లోతుల్లో నను పారేస్తే
భూదేవిని అనుక్షణం ఆరాధిస్తా
భూమి మీద సగౌరవంగా నిలువనిస్తే
గెలుపు ఓటమిలు తనకే అంకితమిస్తా
ఎందుకంటే
పయనం ఏదరికైనా భూమి నుంచే
ఫలితం ఏరకమైనా ఆ  భూదేవిదే
అనంత విశ్వం నా అంతరంగం
రోదశీలు అగాధాలు త్రిసంకు స్వర్గాలు
ఏవైనా అవి నా మనః ప్రచోదితాలు
శివోహం అనుకుంటూ అన్నిటా
నాలో నన్నే వెదకుతుంటా
పరమాత్మ రూప సారూప్యం కోసం
పరంజ్యోతి దివ్య దర్శనం కోసం
ఆత్మ యాత్రావరిష్టమైన శాశ్వత నిశ్వాస లో కూడా
నీవార సూక పరిమాణపు పరమాత్మ రూపం
అంది పుచ్చుకోవాలని అందుకోవాలనీ
ఆరాట పడతా ఆవేశ పడతా తాపత్రయ పడతా.