1.
కం.
వందే గౌరీ మాతా
వందే అంబా భవాని ! వాగర్థా! ఈ
సందోహా నందార్తిన్
ముందే తీర్పంగ జూడు మీ ఆర్యాణీ.
1.
హిమవత్పర్వత పంక్తులు
హేమ రజిత వర్ణ శోభ నెపుడున్ తోపన్
సుమనోహరు హరు గొలచితి
సోమామర నాథు, జన్మ సార్థక మొందన్.
2.
చలికిన్ జిక్కితి మ్రగ్గితి
వెలి కొండల మంచు అంచు ల తిరుగాడన్
మలమల మాడితి కూటికి
కలగంటి నయ్యమర నాథు కొలువన్ గలుగన్.
3.
ఎక్కితి విహంగ ముల్ కడు
చిక్కితి నట పవన హంస చేర్చుట కొఱకై
నిక్కితి నీల్గితి గుఱ్ఱము
నెక్కితి నడచితి చివరకు చేరితి నటకున్.
4.
నిలువెత్తు మంచు లింగము
కలకాదు కదా యని తిలకించితి నంతన్
కొలువై రమ్మయు సుతుడును
సలలిత లలిత గన జన్మ సార్థక మయ్యెన్.
5.
మరియొక తూరి కనగ మన
సార మరలి వచ్చి కంటి నా సామి నుమన్
వరలి గతశ్రముడ నగచు
తెరలిన యానందపు దరి జేరెను మనమున్.