తండ్రి

సీ.
కోటి ఆశల సుత కంట కన్నీరు తాన్
             కలనైన నెపుడైన కోరు కొనడు
ఆశల బాసల అందాల హరివిల్లు
             కూరిమి పేరిమి కూతు రనిన
అంగారు బంగారు ముంగారి సింగారి
             తలపు తెమ్మెర యౌను తనయ తనకు
తండ్రి హృదయ మెంతొ బెంగతో నల్లాడు
             అత్తింటి కంపిన  ఆత్మజ యన
తే.గీ.
 రాసి రంపాన వెట్టని అత్త గలదె
వెలికి వెలి గక్క లేకుండు వెరపు గలిగి
దినదినము మ్రొక్కు ముక్కోటి దేవతలకు
దుహిత సుఖ శాంతి గోరుచు తండ్రి ఎపుడు.