ఏదైనా సాధించేనా

ఆశ ఆకలి దప్పిక  ఎరుగని జీవితం
అప్రతిహతంగా అది విజయవంతం
అహం నుంచి అద్వైతం త్వమేవాహం
అందుకోవడం ఆపై ఎంత సులభం
అందని పండులా కొందరికే అండలా
ఎందుకలా ఆ పరమాత్మ అందీ అందనట్టు
వేధించడం బాధించడం సాధించుకోమనడం
అంతా ఆ ఈశ్వరేచ్ఛ ఆనుకోవడం
ఈ నయనాలకు ముందు చూపే ఉంది
నా ఎదలోన దీపశిఖ కొన చూడగలనా
పంచ భూతాల యావజ్జీవపు చెఱనుండి
పంచేద్రియాలను మనసును విడిపించలేనా
పట్టెడన్నం పెడుతూ పదిమందిని చదివిస్తూ
కొందరికైనా సహాయపడలేనా
నాలో నేనే నాకై నేనే అల్లాడిపోనా
పోనీ ఆ పరమాత్మ నైనా చూడలేనా
ఏదో ఒకటైనా సాధించగలిగేనా?