కానుక

ఆగిపోదు శుభాకాంక్షలు చెప్పకున్నా  పుట్టినరోజు

ఆగిపోదు వద్దనుకున్నా కిమ్మనకున్నా ఏరోజూ

ప్రేమ అభిమానం గుండె లోతుల్లో ఉండాలి

ఆత్మీయతా భావం కనుకొలకులలో నిండాలి

తియ్యని ఓ పిలుపు కమ్మని ఓ పలుకు

వెలకట్టలేని సరిపెట్టలేని అనుబంధాలకు

తీపి గురుతులు చెరిగిపోని ఆనవాళ్ళు
కావాలని చెప్పని వారికి బుద్ధి దేవుడే చెబుతాడు

అందుకోవడమే కాని అందివ్వడం చేతకాని
మనసొప్పని వారు పనికి మాలిన వారి
మునివాకిట నిలువు జీతంతో నిలుస్తారు
ఆదరించే అన్నపూర్ణకు మూతి వంకరలా?

నికృష్ట విధానం నిర్లిప్త జీవన గమనం

ఆదరణకు వితరణకు నడుమ తేడా ఎంచని
దుష్టబుద్ధి దుర్నీతి అహంకారం అదొక

అపోహల కాసారం , నిర్లక్ష్యపు నిబిడాంధకారం

మురికి కూపంలో స్వైర విహారం

నా పరివారం వీటికి అతీతంగా ఆదర్శంగా 

అందంగా హుందాగా ఆనందంగా ఉండాలి

అదే నాకు అసలు సిసలు కానుక.