అవిశ్రాంతమా? విశ్రాంతమా?

ఇది అవిశ్రాంత జీవన గమనం
ఇందులో అధికారిక విశ్రాంత జీవనం
అరవది  నిండిన వయసులో ఆరంభం
సమయం కొరవడిన ఒరవడి నుండి
సమయం గడవని నడవడి లోనికి
సంపాదన కోసం కాకున్నా కాలక్షేపం కోసం
ఓ వ్యాపకం ఎవరికైనా అనివార్యం
సమాజ సేవ ఉదరపోషణ ఏదైనా కావచ్చు
కొండలైన కరిగిపోవు కూర్చుని తింటే
కండబలం గుండెబలం ఉండాలేగాని
పరోపకారార్థం ఇదం శరీరం అన్నది
ఇకమీదట ఎంతో ఋజువు చేయాల్సి ఉంది.
దాచుకున్నది సంసారానికి సరిపోతే
సంపాదించడం కొనసాగించడం
మంచిదే నీ కోసం కాకుండా సమాజం కోసం
సమాజం నుంచి అందుకున్నదెంత
సమాజానికి మనం ఇచ్చినదెంత
అంకణా సరిపోవాలి చివరకు
ఆందుకోసం ఆశపడదాం ఆరాటపడదాం.