నా అంతరంగంలో
తనంత తానుగా ఓ సారి పలుకరిస్తేఅనంత సుందర స్ఫురద్రూపం కనిపిస్తే
పలవరింతలై కలవరింతలై మరింతలై
కట్టెదుట నిలుచుంటే నన్ను పిలిచుంటే
పరవశించనా బరితెగించనా మున్నెంచనా
ఎదురేగి చెలరేగి తను జేరి దరిజేరి
ఆదుకోమంటూ నన్నందుకోమంటూ
మోకరిల్లనా ప్రాకులాడనా బ్రతిమలాడనా
ఆదరించినా సాగనంపినా వేచి యుంచినా
అభిమతం అభీష్టం అంతా ప్రతిపాదితం
అనుగ్రహం పరిగ్రహణం అంతా వరప్రసాదం
బాలా పంచదశీ షోడశీ తురీయ గాయత్రీ
అన్నీ నా ఆరాధ్య రూపాలే నా ఉపాస్యలే
నా హృదయాంతరంగంలో అంతర్లీనాలే.
0 Comments:
Post a Comment
Subscribe to Post Comments [Atom]
<< Home