మరులు గొనుచుండె నీవేళ మనస దేలొ
మమతల సిరి బాల నా మనసు గెలిచె
మంచి తనయగ నామెను మలచ దలచి
యిచట నొకచోట చదువుకు జేర్చినాను.
జగతి నెరిగించి జగజెట్టి జేయనెంచి
ఇచట మేలెంచు మెలకువల్ నేర్ప దలచి
తనను శంకించి హింసించి తప్ప టడుగు
లు పడ కుండ భద్రముగ కేలూత నొసగి
నడచి నడిపించి యెక్కించ నందలముల
నులి పట్టి చెక్కెడి శిల్పి నూత్న రూప
ముల మలచునట్లు శ్రమియింతు మోసపోక.
చనువుగా నన్నడుగు చుండు చంద్రవంక
ఈప్సితములు నవుసరముల్ తీర్చమంచు
జేబు నిండుగ నున్నచో చేయు చుందు
కన్న కూతురు వలె సహకారమిత్తు.