తే.గీ.
ఎన్ని సేవలు జేసినా ఏమి ఫలము
మిన్న కుండెడి మీనాక్షి మిడిసి పడగ
వన్నె చిన్నెల వగలాడి వాలకమ్ము
రాతి గుండెల నాతివే రామ చిలుక.
వానకారు కోయిల వౌచు వదర బోవు
కుఱ్ఱకారు చపల బుద్ధి కుదహ రింతు
నిన్ను యక్కున జేర్చు కొని నదె తప్పు
రాలు పూతల సుమమీవు రాలుగాయి.
అద్దె నగవుల కొద్దిగా నద్ది నావు
కమ్మని తలపు కరవైన కంది రీగ
వాడి విసిరి పారేయుటే  వాసి నీకు
రాదటే నా యవుసరమ్ము రస విహీన.