ఒకటై పోదాం
చక్కని చుక్కా ఎక్కడికైనా నాతో వస్తావా
చిక్కితె చక్కా ఎక్కడికైనా నీతో వస్తాలే
మబ్బుల పైన రోదసి లోకి పోదాం వస్తావా
అబ్బుర పడుతూ చప్పున పోదాం రాలేవా
అంత తొందరా? ఎందు కంతగా?
మబ్బుల మేనా అబ్బుర పడనా
చందురు ముందర నడవాలంటే //చక్కని//
చీకటి మాటున చీటికి మాటికి పిలిచానా
రేపటి పూటకు రగిలే వగలే తెలిసేనా
ఆకలి కూటికి అర్రులు చాచిన అలుసే కాలేదా
కలిసి తిరిగితే మనసు కలిపితే సరదా చాల్లేదా
ఏంత సొబగులే?
అంత వలదులే
తేటి కోసమే
మేటి వేసము
పూల తేనెలా
ఓల లాడితే //చక్కని//
రివ్వురివ్వునా గువ్వల జంటగ ఎగిరే పోదామా
మూడుముళ్ళతో ఒకటై జంటగ తిరిగే వద్దామా
పెద్ద వారితో సద్దు బాటుగ చెప్పేసు కుందామా
కాదు కూడదూ ఒప్పు కోనిచో వద్దను కుందామా
సంశయ మేలా?
మౌనమె మేలా?
తప్పగు నేమో?
తప్పదు వామ్మో!
ఇపుడేం చేద్దాం?
ఒకటై పోదాం.//చక్కని//
0 Comments:
Post a Comment
Subscribe to Post Comments [Atom]
<< Home