హంసగతి.
చలిమల చూలికి జంగమ శూలికి సాంబ కపాలికి చంద్రిలుకున్
యలయక దక్షిణ కాళికి నీల సరస్వతికిన్ పద సంపదతో
లలితకు కాది విలాసిని షోడసి లంభకు తాండవ లాస్యకు నా
తలపుల తల్లికి తామసి మా జగదంబకు మ్రొక్కెద తత్పర తన్.
(లంభ , చలిమల చూలి , కాది విలాసిని, తామసి= పార్వతి , జంగమ శూలి, చంద్రిలుడు= శివుడు)

చదువుల రాజ్ఞికి శారద వాణికి స్వంజుని రాణికి సన్మతితో
పదముల మూటలు పాటల పెట్టెలు పద్దెపు మాలలు పంచుచు నా
యెద సడు లన్నియు నేర్చెద కూర్చెద నీప్సిత సిద్ధిగ నెంతగనో
 మది చతు రోక్తుల మంజుల వాగ్భవ మంద సరస్వతి మా త కృపన్.
హం.
వనరుహ లోచని వారిజ వాసిని వాక్పతి భామిని వాణికివే
మనసున కొల్చుచు మాటల మల్లెల మాలలు కూర్చుచు మక్కటిగా
చనువున జెప్పిన సంగతి గా గొన ఛందసు కందెడు ఛాందసమై
కనుగొన వేడ్కతొ కచ్ఛపి ధారికి కర్కశ హారికి కానుకగా.