మాటలలో తియ్యదనం
మనసేమొ కఠినతరం
పెదవులపై దరహాసం
హృదయంలో పరిహాసం
ఇదేమిటో ఇదేమిటో
జవరాలి ఆంతర్యం ఏమిటో
మాటలేమొ మృదుమధురం
మనసేమొ హిమశిఖరం
మనిషేమొ బుద్ధస్వరూపం
మనువేమొ ఆమడ దూరం
అదేమిటో అదేమిటో
యువరక్తం ఉడుకేమిటో //  //
ఆమని రాకకు  వేళొకటుంది
రాముని సీతకు ఎదురేముంది
పున్నమి వెన్నెల తోడుంటుంది
అన్నుల మిన్నగ బ్రతుకుంటుంది
ఎదురు చూపులు వేదన కాదా
ఎదల మాటున  వేదన లేదా 
కన్నుల కలలూ పండక పోవు
నిన్నటి ఆశలు తీరక పోవు //  //