మనసా నా మనసా....

తెలిసియుంటే హరి నామ స్మరణ
తెలియకుంటే హరి నామ స్ఫురణ
తెలిసీ తెలియకుంటే ఆ హరి కరుణ
చేయవే ఓ మనసా  కోరవే  నా మనసా //తెలిసి//
ఆరాట మెందుకే భోగ లాలసనలకై
హరి పాదాక్రాంత మొందవే ముక్తికై
శివార్పణం అంటూ పని జేయవే
శివోహం అంటూ పంచు కోవే  //తెలిసి//
సృష్టి అంతటా సాంబశివుడే సరి జూడవే
నీ గుండె లోపల ఆ మాధవుడే కను గొనవే
నేను అంటే ఏను కాదని తెలుసుకోవే
(న+ఏను=నేను)
నేనులోనున్న పరమాత్మను అందు కోవే//తెలిసి//
కైవల్య మనుకో కైలాస మదిగో
సాయుజ్య సిద్ధికై సంకల్ప శుద్ధితో
ఎరుకలో నున్నా నిదుర లో నున్నా
తపియించవే పరికించవే మనసా //తెలిసి//