అనుకున్నా నెన్నెన్నో
ఆత్మావలోకనం చేసుకుంటూజడభరతునిలా బ్రతకాలనుకున్నా
పరంజ్యోతి పరిశోధనలతో
అరుణాచల గిరివలయమై
నిరంతరాన్వేషినై మిగలాలనుకున్నా
తపో నిష్టతో గురు శుశ్రౄషలో
కాలడిలో కాలం గడపానుకున్నా
వేద వేదాంగాధ్యాయినై
నిత్యాగ్నిహోత్రునిగా
శేష జీవితం గడిస్తే చాలనుకున్నా
పరోపకారంతో పరస్పర సహకారంతో
ప్రజాభిమాన ప్రతిరూపంగా ఉండాలనుకున్నా
స్వావలంబనతో స్వాభిమానంతో
నిస్స్వార్థంగా నిలవాలనుకున్నా
లలిత లలిత పద కవితలతో
మందార మకరంద ప్రద పద్యాలతో
ఇష్టదైవం వద్ద మోకరిల్లాలనుకున్నా
లలిత కలిత మనో చలిత శ్రీ లలిత
పద సన్నిధిలో త్వమేవాహమ్ అంటూ
శివోహమ్మంటూ లీనమై పోవాలనుకున్నా
అభీష్టం ప్రతిపాదితమైనా
ఆమోదం వరప్రసాదమే
అనుగ్రహం అమ్మదైతే
అనుభవం ఈ మేనులో నేను ది
సర్వం శ్రీ జగన్నాథం అంటూ
గెలుపు ఓటముల ఓతప్రోతంగా
కలిమి లేముల పదద్వయంగా
కన్నీట ములుగుతూ
పన్నీట తడుస్తూ
ఇప్పటికీ తప్పటడుగుల
తడబాటు పోక
గుండె దిగాలు పోక
ఎందుకిలా మిగలాలి
కిమ్మనకుండా మనగలగాలి.
0 Comments:
Post a Comment
Subscribe to Post Comments [Atom]
<< Home