ఈ మౌనం  నా
అసమర్థతకు ఆనవాలు కాదు
ఆదర్శాలకు తిలోదకాలూ కాదు
ప్రత్యర్థులకు మరో అవకాశం కాదు
అనుయాయులకు అసహనమూ కాదు
ఈ మౌనం. ఓ
అసాధారణ వజ్రాయుధం
అప్రమేయ శిలా శాసనం
కాలానికీ కాలుడికీ రాజమార్గం
దుందుడుకుల లోతులు చూచే కొలమానం
నా మౌనం
వేనవేల ప్రశ్నల శరాఘాతం
శత సహస్ర మాటల తూణీరం
లక్ష్యం కోసం రణనిన్నాదం
శత్రువు గుండెల్లో దింపిన గునపం
నా ఈ మౌనం
ధర్మ దేవతను నిలదీసే యత్నం
న్యాయం కోసం ప్రకృతికి విన్నపం
దుష్ట శిక్షణ శిష్ట రక్షణ నాదే అన్న
భగవానుని కట్టెదుట సత్యాగ్రహం.