అమీబా
గత స్మృతులను మరచి పోలేనుభవిత అస్పష్టతకు భయపడ లేను
ప్రస్తుత పరిస్థితులకు కృంగిపోలేను
కిం కర్తవ్యమ్మని సదా ఆలోచిస్తాను
ఈ మేను ఈ మనము ఈ తపన
ఏదో ఒక పనిలో లగ్నమై నిమగ్నమై
ఉంటేనే మనశ్శాంతి తాపశ్శాంతి.
కాని అవే మనో చాంచల్యానికి బీజాలు
నిర్వ్యాపకత్వం బహు దుష్కృతం
నిశ్చల సమాధి బహుదూరపు మరీచిక
విశ్రాంత జీవితం పనివారికి ఓ శాపం.
హంస ఎగిరి పోదు యావ చచ్చిపోదు
తపన నిలువనీదు తలపు కునుకునీదు
తీరా తలపడితే అన్నీ బొప్పెలే అన్నీ కన్నాలే
అమీబాల మాయవలలో అంతా కీటకాలే.
0 Comments:
Post a Comment
Subscribe to Post Comments [Atom]
<< Home