ఓడిపోతున్న సమయంలో
నేనున్నాననే భరోసా లేదు
గెలుస్తానన్న క్షణంలో
నన్ను మురిపించే కులాసా లేదు
ఏటికి ఎదురీదుతున్నా.. సుడి
గాలికి తల ఒగ్గుతున్నా
నడి సంద్రంలో
తలమునకలౌతున్నా
ఫలితం సమవర్తికే తెలుసు
ఇంతటి నైరాస్య వైరాగ్యంలో
ఓ చిరు గభస్తి
కల్మష నాశని పావన పునీత జాహ్నవి
శృతి సూక్త వివిక్త చింతాక్రాంత
నా హృదయాంతరంగ విజేత
నన్నంటి వెన్నంటి తానుంటె
మున్నుంటి నేనుంటి నని శృతియంటె
ఉత్తుత్తియే కాని ఉదధి నను ముంచలేదు
పత్తిత్తుయే కాని జగతి నను మించలేదు.