ఆరడి

తలచేనా ఒకసారి
ఆ కలలలో తారాడి తూనీగలా
కలిసేనా ఒకసారి
ఆ కనులలో కాసేపు కవ్వింపుగా
పిలచేనా ఒకసారి
నా మనసులో పేరాశ రేకెత్తగా
పలికేనా ఒకసారి
నా ఎడదలో పాటల్లె మార్మ్రోగుతూ.

మనసంతా పరితాపమే
భవిత ఏమౌనో మనో యుద్ధమే
చనువంతా పరిహాసమే
తలపు తోచేనా ఇదీ ధర్మమే
కినుకంతా అపహాస్యమే
బ్రతుకు కీకారణ్యమో ఏమిటో
తనువంతా అవమానమే
గెలుపు నీదేనా తనే నెగ్గునా?

మరచే పోయితివా ప్రియా
చెలిమి నేమార్చేటి ఆలోచనా?
గురుతుందా తొలిసారి నా
కనులలో కళ్ళుంచి చూచాయగా
విరిబోణీ ! సబబా యిదీ
వలదులే వాగ్వాద మన్నావుగా
మరుగై కన్పడవేమొ నా
కనుల కోమారైన ! అంతేకదా?

(ఇవి మూడు మత్తేభాలు, సరేనా?)