అందం -ఆనందం

అవనికి ఆమని అందం
మనిషికి ఆమని ఆనందం
అందం కామునికానందం
ఆనందం ప్రాణికోటికే ఆభరణం
మనసుంటే పొందు నయన సుఖం
పొందుకోరితే మారణ హోమ సుఖం
అదుపు లేని మనసు
పొదుపు లేని వయసు
ఓప లేని సొగసు
లేచిందే 'లేడీ' లాంటివి
వయసు మనసు సొగసు
మూడూ 'మూడు ముళ్ళు'
ఒడిసి పట్టకుంటే
అసలు పట్టకుంటే
మేని మిసిమి వసివాడి పోదు
కాని మనసు కసుగంది పోదు
రేయి కునుకు కరవయి పోదు
హాయి మనల విడివడి పోదు
భవిత బంగరు కోసం
మమత లంగరు కోసం
చదువు మేలిమి కోసం
తనువు తాలిమి కోసం
గురి చూసుకు సాగాలి
ఎఱ లేరి పారేయాలి
నెఱి తలపులు వీడాలి
సరి జూసుకు బ్రతకాలి
నేరుపు మీరిన జీవిత మందం
అందమైన జీవితమే ఆనందం.