యువతా!
స్ఫుర విద్రుమ కల్పలతా!
నవభారత యువకాశల
విద్యుల్లతా! మేథో సంపద్విలసితా!
విశ్వ విఫణి లో విజ్ఞాన కరదీపికా!
భగవద్గీతా ప్రతిపాదిత జ్ఞాన కళికా!
నైపుణ్య ఝరీ తరంగ తురంగమా
వైవిధ్య విద్యా విలసిత కురంగమా
శ్రమైక జీవన విధాన పథాన
విశ్వాస నిశ్వాస ఘంటాపథాన
సృజనచాతుర్య మేథో వికాస
మూలధన సంపదలతో
ఎల్ల లెరుగక ఎల్లెడలా దేశ దేశాల
భారతీయ బావుటా నెగుర వేస్తూ
ప్రతి మనిషీ తన కోసం
తన దేశం కోసం
చైతన్య సమాజం కోసం
అసూయా ద్వేషాల కతీతంగా
సంపద సృష్టిస్తూ అందరికీ పంచుతూ
రమించండి! శ్రమించండి! విశ్రమించండి.
(యువజన దినోత్సవ సందర్భంగా)
0 Comments:
Post a Comment
Subscribe to Post Comments [Atom]
<< Home