ఆంగ్ల వత్సరాది శుభాకాంక్షలు

సీ.
నిశరాత్రి వేళలో  నిసర్గ సర్గమీ
            ఆంగ్లేయ నూతన వత్సరాది
బానిసత్వములోన భావదారిద్ర్యాన
           అంటించు కున్నట్టి అంటువ్యాధి
కూటి కోసమని నేర్చిన హూణ విద్యతో
          ప్రబలిన వేడుకై ప్రచుర మందె
మందు బాబుల జీవ హింసల పర్వమే
          పరదేశి ప్రహసన వత్సరాది
తే.గీ.
 ఖండ ఖండాంత రాల నఖండ మైన
 సర్వ మత జన బాహుళ్య  సామరస్య
 మై జగతి నెల్లెడలను మైత్రి గలుగ
వరలు చున్నదీ యాంగ్లేయ వత్సరాది.
తే.గీ.
సర్వ జనుల సుఖము గోరు సంప్రదాయ
బద్ధులగు హిందు వుల మా ని బద్ధతలను
గారవించి తెలుపు శుభా కాంక్ష లివ్వి
ఆంగ్ల నూతన వత్సర  సమయ మందు.