ఎలా సాగను?
నిమిత్తానిచ పశ్యామి అనినిమ్మకు నీరెత్తినట్టుగా
నిమ్మళంగా ఉండాలని ఉంది.
మాయదారి మనసు
మహా చంచలం
అటో ఇటో పరుగులు
ధ్యానంలో కూడా దాన్ని
నిలువరించడానికి
నిశ్చలంగా నిలపడానికీ
నానా అగచాట్లు
మౌనంగా ఉందామన్నా
ఆలోచనా రాహిత్యం లేని
మూగ సంభాషణ
మౌనం ఎలా కాగలదు?
జపధ్యానార్చన విధులలో
తాదాత్మ్యం కొంత వరకూ
సాగుతున్నా ఏదో తపన
జీవితానికి
ఓ లక్ష్యమూ
ఓ సార్థకతా
ఎంతో ఆవశ్యకం
ధనమూల మిదం జగత్ లో
సాధనా? ధనార్జనా?
జోడు గుఱ్ఱాల స్వారీ సాగేనా?
0 Comments:
Post a Comment
Subscribe to Post Comments [Atom]
<< Home