స్వగతం.
కం.
శ్రీ లలితా కృప చేతను
కాలానుకూలముగా సుకర్మ యుతుడుగా
బాలన్, షోడశి కొలచెడి
శూలిని  వర రాళ్ళపల్లి సుందర రామా! 1.
కం.
కవితా జనితా ఘనతల్
సవితా తపసా వెలుగుల సాదృశ మౌరా!
పవియై కవియై భువిపై
సువిదుడ వౌ! రాళ్ళపల్లి సుందర రామా. 2
(సవితా=సూర్యుని, తపసా= చంద్రుని, పవి= వజ్రాయుధము)
కం.
తమకై బ్రతుకై మెలిగే
భ్రమతో వసియింతురేల  భ్రాతలు కారా?
సమతా వాదమె గనరే?
సుమతులనగ రాళ్ళపల్లి సుందర రామా.3
కం.
జపమో తపమో జేయుచు
నుపవసియించుచు సదా మను మనుచు మనసా
శపథంబును గొనరాదా
సుపథంబదె రాళ్ళపల్లి సుందర రామా. 4.
కం.
కనదా వినదా మనసే
నిను నీదను వాదనలను నిరతము కసిగా
తనుపుగ హరి హరుల కొలచు
చును గడిపే రాళ్ళపల్లి సుందర రామా. 5.
కం.
నేనను నాదను భావము
మానదు స్వార్థమును వీడి మనలేమా యీ
మానవ మనసే యంతా?
సూనమె కద రాళ్ళపల్లి సుందర రామా.6
(సూనము = శూన్యము)