మంచి బడి లో నే చేరుతా

అసలు  నా మాట పట్టించుకోవేల
హాయిగా నన్ చదువు కోనీవేల
నేను కూడా మంచి బడిలో చదవితే
భ్రాత కన్నా గొప్పగా చదువుతా
 నాన్నా
చదువు లో మేటిగా నిలబడతా
కానీ
పైసలు వెచ్చించి మంచి బడికి నన్ను పంపవు
డొక్కు బడిలో చదివితే మంచి మార్కులు రావు
పేరున్న కళాశాలలో చోటూ దొరకదు
చదివించ లేదన్న నింద నీకు రాదు
అందుకేనా ఇలాంటి బడిలో వేసావు
కూతురి పైన పెట్టుబడి  ఎంతైనా
కలసి రాదు తిరిగి రాదనేగా నీ వాదనా
అంతేలే
మీ సరదాలకు ఆనందాలకు నేపుట్టా
మీ స్వార్థానికీ వివక్షకూ బలౌతా
కొడుకంటే ఎందుకంత వ్యామోహం
కూతురంటే  ఎందుకలా నిర్లక్ష్యం
చేయూత నిచ్చే చైతన్య మూర్తులూ
ఆసరాగా నిలచే ఆపన్న హృదయులూ
కొందరున్నారు వారి హార్థిక సాయంతో
నేను కూడా గొప్పగా చదువుతా
అమ్మ నాన్న గురువులకు పేరుతెస్తా

మంచి గురువుల బడిలోనే చేరుతా.