సాగరతీర ఆరామం

అయాచితంగా వచ్చిన వరం
నాకు విశాఖ సుందర సాగర తీరం
చెలియలి కట్టపై కూర్చొని చూస్తుంటే
ఎన్నెన్నో గత స్మృతుల పలకరింపులు
ఏవేవో అలవి కాని మధురానుభూతులు
దూరాన దీపాల కాంతితో లంగరు ఓడలు
అరుణారుణ జలధిజ ఇన బింబం
నవనవోన్మేష ఉత్సుకతల కారంభం
భావోద్వేగాల రాగద్వేషాల సంరంభం
అలల కలలతో తలపుల కలల పోటీ
నిశ్శబ్దంగా వీచీ బాలికలతో పిచ్చాపాటీ
ఎగసి పడే అలలూ పడిలేచే కెరటాలు
మనసున్న మహనీయులకు స్ఫూర్తి ప్రదాతలు
ఆ ఆర్ద్ర సైకత తిన్నెల వెన్నెల వెలుగులు
తలచుకుంటేనే ఒడలు పులకింతలు
ఎన్నటికీ మరువలేని సాయం సమయాలు
అది నా మనసు దోచిన సాగర తీరం
అది కర్తవ్యాన్ని గుర్తు చేసిన ఆరామం.