కిం కర్తవ్యం
చేత నున్న బ్రహ్మాస్త్రం సంధించింది
పోతా పాతచోటకే అని సెలవిచ్చింది
ఊహించినట్టే ఉరితాడు విసిరింది
వెళ్ళిపోయి సాధించేది శూన్యం
కానీ దెబ్బ కొట్టి పోతాననే పంతం
వంతపాడే పెద్దలు తన సొంతం
తప్పనడమే నేజేసిన తప్పా
తప్పుకో నివ్వడమే మాకు ఒప్పా
పెంచుకున్న అనుబంధం
మచ్చలేని మమకారం
ఆత్మ రక్షణలో పడిన మాట వాస్తవం
ఆత్మ సాక్షిలేని కర్కశ హృదయం
ఎన్నెన్నో జేసి ఎత్తులో నిలపాలనుకున్నా
తన ఉన్నతికి నేనే పరిశ్రమించాలనుకున్నా
తనచేతలు తప్పనకూడదు
తన నసలు నిర్దేశించ కూడదు
కంటికి ఱెప్పలా కాపాడటమే
నే చేసిన నేరమా
వక్రగతుల పోకుండా చూడటమే
నే చేసిన పాపమా
నే చేయని తప్పుకు లెంపలేసుకోవడమా
పోయి కాళ్ళ మీద పడటమా
పోతే పోనిమ్మని మిన్న కుండటమా
కిం కర్తవ్యం ?????
0 Comments:
Post a Comment
Subscribe to Post Comments [Atom]
<< Home