సయోధ్యా? అయోధ్యా
అవని తల్లిని ఆదరిస్తా
ప్రకృతి కాంతకు ప్రణమిల్లుతా
ఉష్ణ తాపం తగ్గిస్తా
చెరుపెరుగని మైకా (plastic) తో
మట్టి బ్రతుకును మంట గలపడం
మానుకుంటా
చెట్టు చేమలపై కత్తి వేటులు మరచిపోతా
వాకిలంతా పచ్చదనం విరబూయిస్తా
మొక్క మొక్కకు నీరు పోసి మొక్కుకుంటా
చల్లగాలితో ఊపిరులూదమని వేడుకుంటా
వాన చుక్కని ఒడిసి పట్టి
నేల కడుపున మూట కడతా
పెరవారితో కలిసి మెలిసి నే నుంటా
అత్యాశ అసూయలకు దూరమౌతా
సామరస్యపు బాటలో సాగిపోతా
అయినకాడికి మీకండగా నేనుంటా
ఇన్ని మెరుగులు నేనిస్తా
మరి నా మొరగులో
సకాల వర్షాలు పాడి పంటలు
ఆయురారోగ్యాలు ఐశ్వర్యాలు
అవకాశాలు ఆనందాలు
శాంతి సౌభాగ్యాలు
అవే మాకు పదివేలు
ఒంటెద్దు పోకడలు మాని
ఉభయ తారకంగా
ఇచ్చి పుచ్చుకుందాం
మరేమంటారు?
సయోధ్యా ? అయోధ్యా?
0 Comments:
Post a Comment
Subscribe to Post Comments [Atom]
<< Home