సీ. నిన్న నవ్వించావు నన్ను కవ్వించావు
నేడేల ఓ బాల ఏవగింపు
నిన్న వాదించావు నన్ను వారించావు
ఇపుడేల ఓ బాల ఈసడింపు
నిన్న కాదన్నావు నన్ను పొమ్మన్నావు
ఈ వేళ ఓ బాల ఈశ్వ రేచ్ఛ
నిన్న మాటాడావు నన్ను ఊరించావు
ఇంతలో ఓ బాల ఎంత మార్పు
తే.గీ. బాల వై మది నుండ సంబరము గాదె
ఎన్ని చేసినా నీమది గెలువ లేను
దూర మయ్యాక గాని నా ఊహ కనవు
చేర దీసిన వారె నీ మేలు కోరు.
సీ. నేను చూపిన బాటలో చని దీర్ఘ
లోచని ఉన్నంత లోన ఎదిగి
నే గిరి గీసి చూపించితే లక్ష్యాన్ని
గురిచూసి నువు కొట్ట గలవు బాల!
నానీడలోన నా తోడుగా సాగితే
ఎత్తులూ అందలా లెక్క గలవు
నినుగన్న నీతల్లి తానెంత మురియునో
పొంగి తానుప్పొంగి పోవునప్డు
తే.గీ. జనని నయనాల పంటగా చరిత కెక్కి
గురుని నియమాల పూబాల గా తరించి
గురుని శిగలోన శశిరేఖ గురుతు గాను
వరలి వర్థిల్లు జ్యోత్స్నా సు వాసి ననగ.
posted by Sundara Ramam Rallapalli at
9:03 PM
0 Comments:
Post a Comment
Subscribe to Post Comments [Atom]
<< Home