స్వోన్నతి
ఆత్మ విమర్శ విస్మరిస్తేప్రతి చర్యా ప్రతీ కారచర్యా
అహంకార పూరితమే
మేలుకీళ్ళ జిజ్ఞాసతో పనిలేదు
అంతా మంచే అన్నీ మేలే
ఆపదలో బాసటగా నిలచినా
ఆవేశంలో ఏవేవో వదరినా
ఆనక తీరికగా తీపి గురుతులు
నెమరుకు వస్తే బాధనిపిస్తే
తప్పొప్పులు తెలిసొస్తే
సరిదిద్దుకునే వైనం తెలియకుంటే
అపోహల నీలి నీడలో బ్రతకడమా
అగాధాల అంచులపై వ్రేలాడటమా
అనురాగాల మాధురికై వెతుకాడడమా
అవగాహనల సరసన సర్దుకోవడమా?
ఏదో ఒకరోజు నామనసు నన్ను కాదని
అహం ఆవలి గట్టున చతికల బడితే
గతానికి ప్రాయశ్చిత్తంలేదు
వర్తమానానికి యుక్తాయుక్తం తెలీదు
భవిష్యత్తు కు భరోసా లేదు.
0 Comments:
Post a Comment
Subscribe to Post Comments [Atom]
<< Home