అమ్మా నాన్న
ఈ ప్రపంచానికి పరిచయం చేసి
నిన్నొక మనిషిగా తీర్చి దిద్దడంలో
అహర్నిశలూ పరిశ్రమించే నిండు గుండెలు
అమ్మా నాన్నలు.
ఉగ్గుపాలతో ఊసులాడిన
అమ్మే తొలి గురువు
బ్రహ్మోపదేశం చేసి విద్యకు
బీజంవేసిన నాన్న మలిగురువు
కలిమి, బలిమి నాన్న యిస్తే
చెలిమి, మిసిమి యిచ్చింది అమ్మ
వారిది దిక్కుమాలిన ప్రేమ కాదు
దిక్కులేలే అసలు సిసలు మమకారం
సప్తస్వర రాగాల కందని అనురాగం
అక్షరాలలో నిక్షిప్తం చేయలేని
అవ్యాజ ప్రేమానురాగం
అది వారికి మాత్రమే సొంతం
అనితర సాధ్యం
అమలిన సఖ్యం.