ఈవి రాశులివిగో

శరదిందు చంద్రికా
కనువిందు భద్రికా
జపమందు ముద్రికా నా
మనో గేహ పుత్రికా
శారద రాత్ర శీత మాలతీ లతికా
ముకుళితాధర దీర్ఘ చూడ్కుల దీపికా
ఓ శిత శీత చిరు దరహాస బాలికా
మరచి పోదామనుకున్నా  కానీ
మై మరచి పోతున్నా
చూసి పోదామనుకున్నా కానీ
చూడ లేక పోతున్నా
నీమ్రోల
వాలి పోవాలనుకున్నా  కానీ
వసివాడి పోతున్నా
ఈ వెన్నెల వాకిట
కవితల రంగవల్లులల్లా
భవితల బంగరిల్లు కట్టా
జ్యోత్స్నా పునీత కావ్య
రసరమ్య దుర్గ మన నవ్య
కవితా సుమమ్ములివిగో
పూతావుల నెత్తావుల
యీవి రాశులివిగో
భావి ఊసులవిగో
కనుమా కొనుమా గై కొనుమా.