కరుణించు కల్పవల్లి

 సీ. 

ఉయ్యాలలూగించి ఉఱ్ఱూతలూగించి

ఉద్విగ్నమొందించి ఊరుకోకు

ఉత్తమోత్తమమంచు ఊరించి గీలించి

ఉస్సురని పించి నా ఉసురు పడకు

ఊహలన్నిటిలోన ఊసులన్నిటిలోన

ఊకొట్టి తలయూపి ఊరుకొనకు

ఉత్తుత్తి కవితలా ఉత్తుత్తి పాటలా

ఉన్మత్త మాటలా ఒక్కసారి

తే.గీ.

తలచుకోవేల వేవేల తలపులన్ని

మలచుకోవేల నామాట మంత్రమనగ

నన్ను మన్నించు మానందవల్లి

కంచి కామాక్షి కరుణించు కల్పవల్లి.