వయసు మీరితే

అది వరమా? శాపమా?

ఆనందాలు అవరోధాలు అపరాధాలు

ఒకటేమిటి సకల గుణదోష పూరకాలు

అన్నిటికీ అతీతంగా అందరికీ అందనంతగా

జగన్నాటక సూత్రధారిపై మనసు కుదిరితే

జగదంబ పదారవిందాలపై శరణు కోరితే

మనసుకు శాంతి హృదయ ప్రశాంతి

కరతలామలకం కమనీయం ప్రతిక్షణం

ఱెక్కలొచ్చిన పిల్లలకు దూరంగా 

జంటగా ఒకరికోసం ఒకరిగా

మనగలిగితే అదో మహద్భాగ్యం

రోగాలు రొష్టులు రాకుంటే లేకుంటే

అందరూ మనవారే అనుకుంటే

ఆదరంగా ఆప్యాయంగా

పలకరిస్తూ పులకరిస్తూ

ఉదయాస్తమానాలతో పనిలేకుండా

తృప్తిగా స్వేచ్ఛగా బ్రతకగలిగితే

అదే భూతలస్వర్గం, మానస కైలాసం