సీ.
కుసుమారి వైతివా పరిహాస శేఖరా
           సుమములే పడెనె నీ చురుకు కళ్ళ
మనసు లేదా నీకు మానవా? పరికింప
            వినిపించదా నీకు విరుల లొల్లి
కాసింత జాలి వలదె యిట్టి యలుసున్
             సంబరముగ నెంచ సంగి కుముద!
చూడ చక్కని పూల గొంతు కోసెద వౌర!
              సుతిమెత్తగ కనిపించు యభిరామ!
తే.గీ.
కోరి మాతోడ తగువేల కొనెడు యాశ
నేర్పు కూర్పుల బ్రతుకున నేమి కర్మ
స్తమిత హృదయ వికాశ యీ స్తవక మేల
మా తొలి తుదల గలుపు మమ్ము తెలియ.