ప్రాప్త కాలజ్ఞత
మరణం అది అనివార్యంప్రతి జీవికీ ప్రారబ్దానుసారం
కాలుని కొలువులో వ్యవహారం
సిఫారసులకు మినహాయింపులకు
ఆమడ దూరం
అందుకే ఆయన సమవర్తి
స్వ పర బేధం లేని వ్యక్తి
ఉన్నంత కాలం ఉన్నంతలో కొంత
మంచి కోసం మంది కోసం
శెలవు చేస్తే నెలవు చేస్తే
ఉపకారం ఊరకనే పోతుందా
సహకారం మరచే వీలుందా
మూటగట్టి దాచబెట్టి దోచి పెట్టడమా?
మనసు విప్పి మాట చెప్పి ఆదుకోవడమా?
కన్న పిల్లలకే సమ న్యాయం చేయలేని
తన స్వార్థానికి వాడుకునే ఎవరేని
వారు మనుషులా? మరుగుజ్జులా?
మనం చేసిన అన్యాయాలు అక్రమాలే
అంతిమ శ్వాసకు సోపానాలు
అది తెలుసుకోకనే తగాదాలు.
ప్రాప్తా ప్రాప్తతలు ప్రాప్త కాలజ్ఞతలు
మన తలపుల చేతల ఫలితాలు.
0 Comments:
Post a Comment
Subscribe to Post Comments [Atom]
<< Home