ఆర్యా శతకం

ఆర్యా శతకం

కారణ పరచిద్రూపా
కాంచీపుర సీమ్ని కామపీఠగతా
కాచన విహరతి కరుణా
కాశ్మీరస్తబక కోమలాంగలతా.1
భావం: కారణ పరచైతన్య రూపా కాంచీపుర మందలి కామకోటి పీఠాధిష్టాత్రీ పూగుత్తి వంటి ఒకానొక దయ అక్కడ విహరించు చున్నది.
మూక శంకరుల పంచశతి లోని మొదటిదైన ఆర్యా శతకంలోని తొలి శ్లోకం యిది. దానికి నా స్వేచ్ఛానువాదం.
కం.
శ్రీ కర కాంచీపుర స్థిత
శంకర మఠ కామకోటి శాంకరి! మాతం
గీ! కారణ పర చిద్రూ
పీ కరుణామయి లతాంగి శ్రీ కామాక్షీ. 1
కం.
కాంచీపుర తిలకే అం
బాం చిరపాశాంకుశ సుమ బాణ ధరే! ఓ
కుంచిత స్థనభార వతీ
యంచిత కైవల్య పథము నవలంబింతున్. 2
కం.
చింతిత ఫలముల నిచ్చెడి
చింతామణి! నా గుబులణచెడు చిత్సుధలన్
సంతత సుచరిత సులభా
భ్రాంతిన్ త్రుంచగదె 
కం.
కచముల కుటిలపు కఠినపు
కుచముల కుందహసిత జిగి కుంకుమ ఛాయన్
విచరించును కాంచి పురా
న చలిమలవిభు సుత కంచి కామాక్షి యనన్. 4
కం.
పంచ శరాసను కరుణన్
కాంచి పుర కుమారి యొకతె కడు మోహమునన్
పంచ శరాసను వైరిన్
పంచాస్యుని మరు వెతలకు బందీ చేసెన్. 5
కం.
వరమున కాంచీ పురమున
గిరిసమ కుచభర విలసిని శ్రీ కామాక్షీ
పరతంత్రులమై యుంటిమి
యరవిందాక్షికి స బ్రహ్మచారికి యెపుడున్. 6
కం.
ఐందవ  శేఖరు కలిమా
సుందర యైకాత్మ్య రుచియు శృత్యర్థములున్
యైందవ శేఖరియే తా
నందున కాంచి పుర మధ్య గత యై యుండెన్. 7