ముక్తసరి

మనసు విప్పాలని ఉంది
తలపు తెలుపాలని ఉంది
అయినా అభిజాత్యం అడ్డురాగా
అందుకే ఒకటి అరా
ముక్తసరి మాటలు మనసు
ఊరించే ముత్యాలు
అడిగించు కోవడం ఓ దురదా
బ్రతిమాలించు కోడం బలే సరదా
మనసు విప్పాలనిపిస్తే
గలగలా గోదారిలా ఉప్పొంగి పోవాలి
గబగబా మా కూనలా ఊసులెన్నో చెప్పాలి
శ్రోతనై ఉబ్బి తబ్బిబ్బై ఆనంద పడాలి
అంతరాలు పెరిగిన కొద్దీ
అభిమానం తరుగుట ఖాయం
అభిమానించ లేకుంటే
అవమానించడం మానకుంటే
ఎవరికి నష్టం తెలుసుకో నేస్తం
పొడి పొడి మాటలు ఒకటీ అరా
అవి కూడా దాచుకుంటే కాదా
ఎందుకు ఎరువు తెచ్చుకునే చిరునవ్వు?
ముందుకు కలత మిగిలించే గులాబీ పువ్వు.