కిం కరోమి
అయాచితంగా ఆపన్న హస్తం అందిస్తేనిరపేక్షణీయంగా ఎదురేగి ఆదరిస్తే
అదొక అలుసుగా భావించడం పరిపాటి
కడుపు నిండిన వానికి పంచభక్ష్య పరమాన్నాలేల
ఆవురావురని చూసేవాడికి రుచులతో పని యేల
ఆయురన్నం ప్రయచ్ఛతి అని ధీమా ఒలకబోస్తే
అపాత్రతా దాన భీతి అనుక్షణం కలవర పరిస్తే
స్తవజాత శ్రమ తోయబిందు ప్రభా ముఖబింబమై
పరిహాసప్రోద్ధిత వ్యాకుల చిత్త చాంచల్యమై
కింకర్తవ్యతా విమూఢత్వ సాలోచనా నిర్వేదమై
ప్రత్యుత్తాభివందన గౌరవ సూచక విషయ రాహిత్యమై
కైంకర్యాభిలాషా విరక్తితో వెనుదిరిగి పోనా
నిష్కల్మష నిస్వార్థ సేవారతితో సాగిపోనా
అనసూయార్పణమస్తు గా కొనసాగించనా
రొప్పుతూ రోయనా తప్పుకుని పోవనా?
0 Comments:
Post a Comment
Subscribe to Post Comments [Atom]
<< Home