ఉగాది శుభాకాంక్షలు

సీ.
తెనుగు తల్లికి విలంబిత కంఠహారమై
                     వెలుగులీవె విళంబి వత్సరాది
తెలుగు భాషకు నవ యువ ఏష లిడి నూత్న
                     మర్యాద నొసగుమీ వత్సరాది
తెలుగు నేలకు కమలపు కంపు బాపి ఈ
                     తెలుగు దేశ జయమీ వే యుగాది
తెలుగు జాతికి నేర్పు నేర్పి ఎల్లెడల తా
                    రాణింప దీవించు మో యుగాది
తే.గీ.
ఆయు రారోగ్య ముల నిచ్చి సంప దిచ్చి
సకల విద్యల నగ్ర తాంబూల మిచ్చి
ఒజ్జ లేవిధి నేర్పిరొ ఒద్దిక గను
ఒడిసి పట్టెడి గుణమిమ్ము ఓ ఉగా
ఆంధ్ర భారతి నెన్నుదుట తిలకమిడి
ధరణి పచ్చని చేల పావడను గట్టి
లచ్చి యింటింట దిరుగాడి ఆదరించి
గౌరి సౌభాగ్య మిచ్చి దీ వించు గాక!