తదేక దీక్షతో ఏకాగ్రతతో సాధించేది లక్ష్యం
తపన సాధన సమిష్టి కృషి తో అది సుసాధ్యం
దురాశ దుర్నీతి వెన్నుపోటులే అవరోధం
ఒంటరిగా సాధించడం ఎవరికైనా అసాధ్యం
లక్ష్య సాధనకు త్యాగ నిరతులే సోపానం
పెట్టుబడి పెత్తనం జవాబుదారీతనం
అన్నీ కలసివుంటేనే యాజమాన్యం
లేకుంటే సొమ్మోకరిది సోకు ఇంకకరిదీ
ఓర్పు నేర్పు కలుపుగోలుతనం
భాగస్వామ్యానికి ఎంతో ఆవశ్యకం
ఋణమిచ్చే ప్రపంచ బాంకు కూడా
సవా లక్ష షరతులు విధిస్తుంది
ఇచ్చిన మాటకు కట్టుబడితే పరపతి
తుంగలో తొక్కితే బోడి గుండు తిరుపతి
అక్కసు ఉంటే చేసుకోవలసినది ఏకస్వామ్యం
కలసి నడవలేని వారికి ఎందుకు భాగస్వామ్యం?