ఎంత కాదనుకున్నా మనసంతా నీవే
ఎంత వలదనుకున్నా తలపులన్నీ నీవే
పలుకే బంగారమైనా ప్లాటినమైనా
నీవే నా కళ్ళకు ఓ బంగారం
నీవే నా మట్టుకు ఓ బాలానందం
ఎన్ని జన్మల ఋణానుబంధమో
నిన్ వదలి నే నుండ లేను
నన్ మఱచి నీ వుండ లేవు
అంతరాలు ఎన్ని ఉన్నా
ఆంతర్యాలు ఒకటే కన్నా
ఉలి దెబ్బలతో తీర్చి దిద్దాలి అపురూపంగా
కొలిమిలో కాల్చినా నిలవాలి సగర్వంగా
ఉన్నత శిఖరాలను అధిరోహించాలి
నా మనోజాతగా పేరు నిలపాలి
అహరహం పరిశ్రమించాలి
అనుక్షణం అనుకరించాలి
ప్రతి ఉదయం ఉపక్రమించాలి
ప్రతి రాత్రీ ప్రశాంతంగా నిదరోవాలి.