ప్రతిస్పందించనా పునరాలోచించనా

అవాకులూ చవాకులు పేలితే

మాటల తూటాలు పేల్చితే

కృతఘ్నుల శతఘ్నులు విసిరితే

ప్రతి స్పందించనా పునరాలోచించనా

విశ్వసించి వెన్నుతట్టడం 

చేతకానితనం అనుకొంటే

పంచ భక్ష్యాలు వడ్డించిన విస్తరిలో

అందరికన్నా ముందు నాకే అంటే

అగ్ర తాంబూలం నాదే అంటే

మనో గతం తెలుపనా మౌనంగా ఉండనా

పాలుపోసి పెంచిన బేపి విషం కక్కితే

తప్పులు చేసిన లుచ్ఛా నిప్పులు చెరిగితే

అందితే పిలక అందకుంటె కాళ్ళు అలవాటైతే

ఉదాసీనత చూపనా ఉరికంబం ఎక్కించనా

సవ్యంగా జరిగితే నా మహిమ

అపసవ్యం అయితే నీ ఖర్మ అంటే

పిక్క సత్తువ లేకున్నా పెత్తనం నాదే అంటే

ఎదురు గాలికి తలవొగ్గనా 

ఏటికి ఎదురీదనా

నిస్సందేహంగా నిష్కర్షగా

ప్రతిస్పందించనా పునరాలోచించనా?