ఓటమి

ఉదయారుణ ఇనబింబం
నా మనస్సంకల్పానికి ప్రతిరూపం
కంద గడ్డలా
అప్పుడే పుట్టిన బిడ్డలా
ఈర్ష్య అసూయ ద్వేషం లాంటి
 ఏ వైషమ్యాలూ లేని
అపురూప సుందర రూపం
నన్ను ప్రేరేపించే ఉపకరణం
మంది కోసం మంచి కోసం
నా బలిమి కలిమి మిసిమి
కలగలిపిన నవనవలాడే
నవ్య నవనీతంలా కదలాడే
నా మదిలో నా ఎదలో
ఓదార్పు నిట్టూర్పు
ఓతప్రోతాలుగా కూర్పు
అవమానాలకు తమాయించుకుంటూ
అవహేళలకు నిభాయించుకుంటూ
ఎన్నాళ్ళు ఈ పయనం
ఎవరి కోసం ఈ జీవనం?
అని అనిపించినా
పశ్చిమాద్రి పై రవి బింబం
మరో నాడుకు అది ఉషోదయమే
ఓడిన ప్రతి సారీ
నన్ను నడిపించే దా భావమే
ఓటమే
 నా చేతిలో ఓడిపోవాలి
నా బాటలో నలిగి పోవాలి
గెలుపే నా. ఊపిరి గా సాగిపోవాలి.