నా ఆశల అంతరిక్షం

ఊహల కందని అంతరిక్షం
దూర దూరాన చంద్ర సూర్యోదయాలు
ఎక్కడెక్కడో తారా సమూహాలు
లక్షల కోట్ల మైళ్ళ దూరాలు
ఈక్షణంలో కనిపించే కిరణం
నిన్న మొన్నటి ది కాదు
కొన్ని వత్సరాల కిందటిది
కాంతితో సమానంగా
ఏదో ఒక నాడు నేనూ పయనిస్తా
ఇనబింబానికి ఆవల కాలూనుతా
నభో వీధిలో నడయాడుతా
నవ లోకాలను వెదుకాడుతా
ఆ జీవ కోటితో నెయ్యం పొందుతా
చతుర్దశ భువనాల చి‌రునామాలు
అందరికీ అందుబాటులో ఉంచుతా
ఱెక్కలు కట్టుకుని ఎగిరో రోజులు
మనిషికి ఆమడ దూరం లో ఉన్నాయ్
నా ఊహల వియత్పథం
నా ఆశల అంతరిక్షం
సరదాగా చూసొచ్చే
సమయం అతి త్వరలోనే
ఆసన్నమౌతుంది.
ఆ శుభ ఘడియ కోసం
ఎదురు చూద్దాం.
ఎద పరచి స్వాగతిద్దాం.