అమ్మ 

అమ్మ తానొక అమ్మల గన్న అమ్మ 

అమ్మ అంటే ఆది పరాశక్తి 

అమ్మ అంటే ఓ అమృత మూర్తి 

అమ్మ మన కళ్ల ముందు నడయాడే దేవత. 

చంటిబిడ్డగా ఉన్నప్పుడు 

నేనే అమ్మకు సర్వసం 

నాకూ అమ్మంటే అంతే  ఇష్టం

ఆటా మాటా పాటా అన్నీ 

అమ్మే తొలి గురువై నేర్పింది 

నడకా నడతా సభ్యతా 

అన్నీ తానే నేర్పింది 

నెల బాలుడప్పుడు 

నా ఊహలకు భాష్యాలల్లింది 

ఊసుల ఉయ్యాలలో 

జోల పాట పాడింది 

అన్నీ తానై నన్ను తీర్చి దిద్దిన 

కన్నతల్లీ నీకు పాదాభివందనం 

మనసా వాచా కర్మణా నీకు సాష్టాంగ ప్రణామం.