అసూయ
చిన్ని తనమున మన అగ్రజుల కసూయ
చదువులో సహా ధ్యాయుల కెదొ అసూయ
వృత్తిలో సహోద్యోగులకున్ అసూయ
అమ్మ అనసూయ! లోకమంతయు అసూయ.
వంశ మందు నీ ఉన్నతి గని అసూయ
బాల్య మిత్రుల కంతంత గానసూయ
అయిన వారికి లోలోపలన్ అసూయ
అమ్మ అనసూయ! లోకమంతయు అసూయ.
ఇరుగు పొరుగుల వారికి కలదసూయ
ఎల్ల జనులకు నుండు జబ్బే అసూయ
ఎందుకీ అసూయలనర్ఢ మేమి ఫలము
అమ్మ అనసూయ! లోకమంతయు నసూయ.
posted by Sundara Ramam Rallapalli at
2:26 AM
0 Comments:
Post a Comment
Subscribe to Post Comments [Atom]
<< Home